இந்தியக் கிரிக்கெட்டிற்கு இரட்டைத் தலைமை சரியானதா ?

எனது கட்டுரை ஒன்று ’சொல்வனம்’ இதழில் (10 ஜனவரி, 2021) ’இந்தியக் கிரிக்கெட்டிற்கு இரட்டைத் தலைமை சரியானதா ?’ என்கிற தலைப்பில் வெளியாகியிருக்கிறது. அன்பர்களை லிங்கில் சென்று வாசிக்குமாறு வேண்டுகிறேன்.

லிங்க்:

கிரிக்கெட்: தோல்விகளும், சப்பைக்கட்டுகளும்

’நமது பௌலிங் அவ்வளவு சரியாக இல்லை என நான் நினைக்கிறேன்’ என்கிறார் கேப்டன் கோஹ்லி, நேற்று (29/11/20) மேட்ச்சையும், தொடரையும் தோற்றுவிட்டபின்பு. இதைக் கண்டுபிடிக்க இவருக்கு இரண்டு மேட்ச்சுகள் ஆனது. தோற்ற பிறகே,  இப்படி அவர் ‘நினைக்கிறார்’! ’ஹெட் கோச்’ என்று ஒருத்தர் இந்திய அணியில்  இருக்கிறாரே, 10 கோடி சம்பளம் வாங்கிக்கொண்டு. அவர் என்ன ’நினைக்கிறாராம்’? தெரியவில்லை. பாத்ரூமிலிருந்து இன்னும் வெளியே வரவில்லையோ, என்னவோ?

தோற்ற இரண்டு போட்டிகளிலும் கோஹ்லியின் பௌலர்கள் என்ன செய்தார்கள்?

முதல் ODI:  வேகப்பந்துவீச்சாளர்கள்

ஓவர்கள் 30. கொடுத்த ரன்கள் 215.   எடுத்த விக்கெட்டுகள் 5.

ஸ்பின்னர்கள்:

ஓவர்கள் 20. கொடுத்த ரன்கள் 152.   எடுத்த விக்கெட்டுகள் 1.

இரண்டாவது ODI : வேகப்பந்துவீச்சாளர்கள்

ஓவர்கள் 30. கொடுத்த ரன்கள் 246.   எடுத்த விக்கெட்டுகள் 3.

ஸ்பின்னர்கள்:

ஓவர்கள் 20. கொடுத்த ரன்கள் 141.   எடுத்த விக்கெட்டுகள் 0.

நமது பௌலர்களின் நம்பர்கள் கண்ணைக்கட்டுகின்றன. ஆனால் கேப்டன் கோஹ்லி/சாஸ்திரிக்கு கண்ணிலேயே படவில்லை! முதல் மேட்ச்சில் ’அடித்த மணி’ – அதன் சத்தம் – காதிலே விழவில்லை. அதனால்தான், ’எந்த மாற்றமும் இன்றி’, இரண்டாவது போட்டியில் அதே அணியை இறக்கி, அதே ரிஸல்ட்டை ஆசையாகப் பெற்றுக்கொண்டார்கள் தெள்ளுமணிகள்.

’சிட்னி ஒரு பேட்டிங் பிட்ச்தான். 305 அதில் ஆவரேஜ் ஸ்கோர்ப்பா.’ சரி. ஆனால் ’அவர்கள்’ விக்கெட்டுகளை சாதாரணமாக எடுக்கிறார்களே, நீங்கள் ஏன் ’எடுக்கவில்லை’? நாங்களும் ரெண்டு மேட்ச்சிலும் 300-க்கு மேல் எடுத்துவிட்டோமே..  

ஓ.. ஆமாம், அவர்களது ஸ்கோர் ஒவ்வொரு போட்டியிலும் 370-ஐ எளிதாகத் தாண்டிச் சென்றதே.. அதனால்தானே அவர்கள் ஜெயிக்கமுடிந்தது, அல்லது அவர்களை ஜெயிக்கவிட்டீர்களே.. என்றால், ’அவர்கள் பேட்டிங் அப்படி. ‘they have got a pretty strong batting line-up, and they understand these conditions and pitches and the angles on the field well’ என்பது கோஹ்லி Bhai-யின் சாமர்த்திய பதில். டி-20 தொடரிலும் இதேதானா? இல்லை அதற்காக வேறுவகை சப்பைக்கட்டு தயார்செய்யப்பட்டுள்ளதா?

Head Coach !

இந்தத் தொடரில் இதுவரை, கோஹ்லி பௌலர்களைக் கையாண்டவிதம், ஃபீல்ட் ப்ளேஸ்மெண்ட்ஸ் – ஒன்றும் சொல்வதற்கில்லை. ”…that was poor captaincy!” என எரிகிறார் கௌதம் கம்பீர், இந்தியாவின் முன்னாள் வீரர். ’6-ஆவது பௌலர்’/ஆல்ரவுண்டர் வேண்டுமென்றால் வாஷிங்டன் சுந்தரையோ, ஷிவம் துபேயையோ ‘ஒரு-நாள் அணி’யில் சேர்த்திருக்கலாமே.. ஏன் செய்யவில்லை?” -என்றும் குடைச்சல். ட்விட்டர் தடதடக்கிறது நேற்றிலிருந்து. ”தூக்குங்கடா கோஹ்லியை!’’, “இந்த சாஸ்திரியைக் கோச்சா வச்சிகிட்டு ஜெயிச்சாப்லதான் – ரெண்டுபேரையும் காலிபண்ணலன்னா, சர்வதேசத் தொடர்ல வெற்றிங்கறத மறந்துடுங்க!…” என்றெல்லாம் சூடாகும் ட்விட்டராட்டி!

இனி அவசர அவசரமாக,  டிசம்பர் 2-ல் கேன்பர்ராவில் (Canberra) ஆடப்போகும் 3-ஆவது போட்டிக்கான இந்திய அணியில் மாறுதல்கள் வரும். ’மறக்கப்பட்ட’ சிலர் திடீரென நினைவுக்கு வர, உள்ளே அழைக்கப்படுவார்கள் – ‘வாங்கடா.. ஏதாவது செஞ்சு காமிங்க..’ விளைவாக விக்கெட்டுகள் கொஞ்சம் அதிகமாக விழலாம். அல்லது எதிரியின் ரன் விகிதம் கட்டுப்படுத்தப்படலாம். ரிஸல்ட்? தொடரைத் தோற்றாயிற்று. மூன்றாவது  மேட்ச் என்னவானால் என்ன? சாஸ்திரி/கோஹ்லி ஜோடிக்குக் கவலையில்லை. இரண்டு பேரின் ‘போஸ்ட்’டுகளுக்கும் இப்போதைக்கு ஆபத்திருப்பதாகத் தெரியவில்லை.

**

கிரிக்கெட்: இந்தியா தானே தேடிக்கொண்ட தோல்வி

நேற்றைய ஆட்டம், ஆஸ்திரேலியாபோன்ற ஒரு professional outfit-ஐ அவர்களது சூழலிலேயே எதிர்நோக்க, மல்லுக்கட்ட,  தேவைப்படும் பாடங்களைப் படிக்கவில்லை. அல்லது அதற்கான முழுமுனைப்பு இந்திய அணியிடம் இல்லை என்பதை வெளிச்சம்போட்டுக் காட்டியது. இந்த மந்தப் போக்கு அடுத்த மேட்ச்சுக்குள் சரிசெய்யப்படாவிட்டால், ஒரு-நாள் தொடரை இந்தியா பரிதாபமாக இழப்பது உறுதி.

போஸ்ட்-மார்ட்டம் தேவையில்லை. சில  விஷயங்களைக் கவனித்தால் போதுமானது.

வழக்கம்போல் கோஹ்லி டாஸைத் தோற்றாயிற்று. ஆஸ்திரேலிய ஓப்பனர்கள் எப்படி நிதானமாக ஆரம்பித்து 150+ வரை இழப்பின்றி ஸ்கோரை கொண்டுசென்றார்கள். பின் வந்தவர்கள் எப்படி இந்தியாவின் பிரதான பௌலர்களைத் தாக்கி ரன் மலையை எழுப்பினார்கள் என்பதை சாஸ்திரி+கோஹ்லி டீம் கவனித்ததா? அல்லது பஜியா, பக்கோடா சாப்பிட்டுக்கொண்டு அசட்டு ஜோக்கடித்து, ஒருவருக்கொருவர் கிச்சுகிச்சு மூட்டிக்கொண்டிருந்தார்களா பெவிலியனில்? தெரியவில்லை.

ஆஸ்திரேலியாவின் திட்டமிட்ட பேட்டிங் வியூகங்களுக்கு, ஒத்து ஊதுவதாக அமைந்தது இந்திய பௌலிங்! ஸ்பின்னர் சாஹலையும், வேகப்பந்துவீச்சாளர் பும்ராவையும் சிட்னியில் சமாளிக்க போதுமான ஹோம்-வர்க் செய்திருந்தார்கள் எதிரிகள். முகமது ஷமியை  மட்டுமே அவர்களால் தொடமுடியவில்லை. ஷமி 3/59. ஜடேஜாவுக்கு விக்கெட் விழவில்லை என்றாலும் எகானமி-ரேட் மோசமில்லை. மற்றவர்கள்? ஒரு ஸ்பின்னர் -that too, team’s leading  wicket taker- 10 ஓவர்களில் 89 ரன் கொடுத்ததாக அனேகமாக சரித்திரம் இல்லை என நினைக்கிறேன். சாஹலை எப்படியும் நொறுக்கித்தள்ளினால்தான் இந்தியாவின் பௌலிங் தாக்கத்தை வரும் தொடர்களில் வெகுவாகக் குறைக்கமுடியும் எனத் திட்டமிட்டு வெற்றிகரமாக முடித்திருக்கிறார்கள் நேற்று. பும்ரா பொதுவாக தாக்கும் பௌலர். 2-3 விக்கெட்டுகளாவது அவருக்குக் கிடைத்திருக்கவேண்டும். நடக்கவில்லை. செய்னி ஒரு அனுபவமில்லாத பௌலர். வியூகமில்லாத வேகம் விக்கெட்டைத் தராது என்று அவரிடம் யாரும் சொல்லவில்லைபோலும். சாஹலும், செய்னியும் 10 ஓவர்களில் முறையே 89, 83 ரன்கள் கொடுத்தார்கள். எடுத்தது ஆளுக்கு ஒரு விக்கெட். பும்ராவும் பெரிசாக செய்யவில்லை. அவரும் எடுத்தது 1. கொடுத்தது 73. இப்படியான பௌலிங்கில் எதிர்டீமின் இரண்டுபேர் சதமடித்து, ஆஸ்திரேலியா 374 எடுக்காமல் வேறென்ன செய்யும்?

சிட்னியில் இந்திய ரசிகர்கள் !

375 -ஐத் துரத்திய, அல்லது அப்படி ஆரம்பத்தில் காண்பித்துக்கொண்ட இந்திய பேட்டிங் நிலை, எப்படியானது? டாப்-ஆர்டர் லட்சணம்: மயங்க் அகர்வால் 22, கோலி 21, ஷ்ரேயஸ் 2, ராஹுல் 12. உருப்படுமா? 350+ இலக்கை குறிவைக்கிற அழகா இது? கோஹ்லியின் 21 -ல் ஒரு கேட்ச் ட்ராப் வேற. அவர் ஆடியது அவர் இன்னும் ராயல் சேலஞ்சர்ஸ் பெங்களூரை விட்டுவரவில்லை என்பதையே காட்டியது. ஷ்ரேயஸ் ஐயருக்கு பௌன்சர் ப்ரச்னை. மயங்கும், ராகுலும் ஃபீல்டர் எங்கே நிற்கிறான் எனத் தேடிக்கொடுத்தார்கள் கேட்ச்சை. பௌன்சர்களில் காலியானார்கள் அகர்வால், கோஹ்லி மற்றும் ஷ்ரேயஸ் ஐயர். Hardik Pandya was the only silver-lining. பாண்ட்யாவின் 90, தவன்-74 இல்லாவிட்டால் இந்தியா 250-க்குள் சரிந்து இன்னும் பரிதாபமாகப் பிதுங்கியிருக்கும்.

முன்பெல்லாம் டெண்டுல்கர், யுவராஜ், சேஹ்வாக், ரெய்னா  போன்ற ஸ்பெஷலிஸ்ட் பேட்ஸ்மன்கள், இக்கட்டான நிலையில், அவ்வப்போது சில ஓவர்களும் போடுவார்கள். ரெகுலர் பௌலரிடம் சிக்காத விக்கெட்டுகளையும் சமயத்தில் தூக்கி, அணிக்கு ஒரு ஆசுவாசம் தருவார்கள். ஏற்கனவே ஏற்பட்ட முதுகுப்பிரச்னையால் பாண்ட்யா பௌலிங் செய்வதில்லை இப்போது. நேற்றைய ஆட்டத்தில்,  இந்திய அணியில் ஆறாவது பௌலர், அதாவது பார்ட்-டைம் பௌலர் இல்லாதது பெரும் ப்ரச்னையானது. ஐந்து முக்கிய பௌலர்களில் யாராவது ஒருவருக்கு காயம், அல்லது செமயா அடிவாங்கினால், கேப்டன் அழைக்க என  அந்த 6-ஆவது ஆள், ஆல்ரவுண்டர் அல்லது பௌலிங்கும் கொஞ்சம் தெரிந்த பேட்ஸ்மன் இல்லாதது எவ்வளவு பெரிய இழப்பு. ஏகப்பட்ட ரன்கொடுத்துவிட்டு, கடைசி ஓவரில் கையை உதறிக்கொண்டு ஓடிய சாஹல்.. அடிவாங்கித் திணறிய பும்ரா, செய்னி.. பெப்பே என முழித்துக்கொண்டிருந்த கேப்டன் கோஹ்லி.. சகிக்கவில்லை..

சரி, இந்தியாவின் ஃபீல்டிங்? கேவலம். 3 கேட்ச்சுகள் வெண்ணெய்க்கைகளில் பட்டு வழுக்கித் தரைசேர்ந்தன. மடத்தனமான இந்திய ground fieldingவேறு ஆஸ்திரேலிய ஸ்கோர் வேகமாக ஏற அனுமதித்தது. இந்தியாவின் உடல்மொழி, ஒரு டாப்-லெவல் கிரிக்கெட் மேட்ச் ஆடிக்கொண்டிருக்கிறோம் என்கிற உணர்ச்சியே இல்லாததுபோல் இருந்தது.

அடுத்த போட்டி நாளை இதே மைதானத்தில். சாஸ்திரி-கோஹ்லியின் மண்டையில் இப்போது ஊர்வதென்ன? நேற்றும் ஆசையாகக் கொடிதூக்கி வந்திருந்தார்கள், நாளையும் வருவார்கள் இந்திய ரசிகர்கள். அவர்களுக்குக் கொண்டாட என, இனிவரும் போட்டிகளில் ஏதாவது இருக்குமா?

**