இந்தியா-பாகிஸ்தான் சூப்பர் க்ளாஷ்!

துபாயில் குதிக்கும்  ஆர்ப்பரிக்கும் ரசிகர்களின் முன்னிலையில் பாகிஸ்தான் இந்தியாவுடன் மோதுகிறது இன்று(28-8-22). இது ஆசியகோப்பை 2022-ன் (டி-20) கிரிக்கெட்டின் இரண்டாவது போட்டி. நேற்றைய முதல் போட்டியில் ஆஃப்கானிஸ்தான் ஸ்ரீலங்காவை அடித்துச் சாப்பிட்டுவிட்டது, பத்தே ஓவரில்!

அபூர்வமாகவே இப்போதெல்லாம் மோதும் இரண்டு வலிமையான கிரிக்கெட் நாடுகளின் அணிகளில், இரண்டுபக்கமும் பார்த்து ரசிக்கவேண்டிய ஆட்டக்காரர்கள் சிலர் இருக்கிறார்கள். ரசனை என்று பார்த்தால் pure cricketing pleasure. ஒரு நல்ல ரசிகன் இப்படித்தான் இந்த ஹை-வோல்ட்டேஜ் போட்டியை பார்த்து குதூகலிப்பான்.  

இந்திய கிரிக்கெட் மீடியா என்னடா என்றால் ஒருமாதகாலமாகவே கோஹ்லி.. கோஹ்லி என்று புலம்பிக்கொண்டிருக்கிறது. கோஹ்லிக்கு ஃபார்ம் போயிடுச்சாம். வருஷக்கணக்கா அவரிடமிருந்து ஒரு செஞ்சுரி இல்லை. வருவதும் போவதுமாயிருக்கிறார். ஆசியக்கோப்பையிலாவது அடிப்பாரா? ஒரு அரைசதம் போதும்..அதுக்கப்புறம் அவரைப் பிடிக்கமுடியாது!.. -இப்படி விதவிதமான பேத்தல்கள். கோஹ்லியை நம்பியா  தற்போதைய இந்திய அணி இருக்கிறது? அல்லது ரோஹித்தையோ, ராஹுலையோ நம்பித்தானா? அப்படியெல்லாம் ஒன்றுமில்லை, அடிக்கவும் ஜெயிக்கவும் அருமையான வீரர்களுண்டு என்று கடந்த சில மாதங்களில் நடைபெற்ற டி-20, ஒரு-நாள் தொடர்கள் காட்டியிருக்கின்றன. இந்தியாவின் ரிஸர்வ் ப்ளேயர்களின் அணிவகுப்பு மற்ற அணிகள் பொறாமைகொள்ளவைப்பது.

Pak’s present Captain & India’s former Captain !

கடந்த இரண்டு வருடங்களாக (மாதங்களல்ல) பெரிதாக ஸ்கோர் செய்யாத விராட் கோஹ்லி ஆசியாகோப்பைக்கான இந்திய அணியிலே சேர்க்கப்பட்டிருக்கவேண்டிய அவசியமில்லை. அவருக்கு பதிலாக ஃபார்மில் இருக்கும் இளம் வீரர்களான சஞ்சு சாம்ஸன், இஷான் கிஷன் போன்றவர்களில் ஒருவர் இணைக்கப்பட்டிருக்கலாம். எந்த ஒரு அணியும் ஃபார்மை முன்வைத்தேதான் வீரர்களை அணியில் சேர்க்கும். அப்போதுதானே எதிரியை அடித்து நொறுக்கி  வெற்றிபெற முடியும்? எவ்வளவு பெரிய வீரனாயினும்  பழைய ரெப்யுட்டேஷனில் எத்தனை நாள் -இங்கே வருடங்கள்-  வண்டி ஓட்டமுடியும். அடித்து ஆடமுடியாத வீரருக்கு அணியில் என்ன வேலை என்று யார் கேட்டாலும் நியாயமான கேள்விதானே. இப்படியான பின்னணியில் விராட் கோஹ்லி. பாவமாகவும் இருக்கிறது ஒருபக்கம்.

சரி விடுங்கள். இந்திய அணியின் பலமென்ன? பேட்டிங். ரோஹித், ராஹுல், ரிஷப் பந்த், ஹார்திக் பாண்ட்யா, சூர்யகுமார் யாதவ். கூடவே ஆல்ரவுண்டர் ரவீந்திர ஜடேஜா. ம்… தீபக் ஹூடா! சமீபத்தில் இந்தியாவுக்குக் கிடைத்த ஜெம். எந்த நிலையிலும் எதிரியை விளாசக்கூடிய வெள்ளைப்பந்து வீரர். ஃபினிஷர் என அழைக்கப்படும் தினேஷ் கார்த்திக் ஒரு சில போட்டிகளில் சேர்க்கப்படலாம். இப்படிப்பட்ட வரிசையில் ஃபார்மில் இல்லாத கோஹ்லியும் இருக்கவேண்டும் என்றால் யாராவது ஒரு முக்கியமான வீரர் பெஞ்சில் இருக்கவேண்டியிருக்கும். என்ன கஷ்டம்டா இது!

பௌலிங்கில் இந்தியா வீக் எனப் பார்ப்பவருக்குத் தோன்றும். வேகப்புலிகள் பும்ரா, ஹர்ஷல் பட்டேல், ஷமி இல்லாதது பளிச்செனத் தெரிகிறது. பெரும்பாலும் புவனேஷ்வர் குமார், இளம் அர்ஷ்தீப் சிங் ஆகியோரையே விக்கெட் எடுக்க, ரன்னை கட்டுப்படுத்த -குறிப்பாக பாகிஸ்தானுக்கெதிரான போட்டிகளில்- இந்தியா நம்பவேண்டியிருக்கும். ஆவேஷ் கான் ரன்களை வாரி வழங்கிவிட்டால் ஆபத்தாகிவிடும். பாண்ட்யாவின் பந்துவீச்சு கூர்மையாக கவனிக்கப்படும். ஸ்பின்னர்களில் ஜடேஜா ரன்னைக் கட்டுப்படுத்துபவர். யுஸி சாஹலும், ரவி அஷ்வினும் எதிரி விக்கெட்டை எந்நேரமும் தூக்க வல்லவர்கள். ஆனால் 3 ஸ்பின்னர்கள் ஒரே போட்டியில் ஆடும் வாய்ப்பு குறைவு.

இந்தியாவுக்கு சவால் விடும் பாகிஸ்தானின் அணி? அவர்களுக்கும் முன்னணி வேகப்பந்துவீச்சாளர் ஷஹீன்ஷா அஃப்ரீடி காயம் காரணமாக இல்லை. ஹாசன் அலி அனுபவ பௌலர். கூடவே இரண்டு கத்துக்குட்டி பௌலர்கள். முன்னாள் பாக் ஸ்பின்னர் (டெண்டுல்கர் புகழ்!) அப்துல் காதிரின் மகன் உஸ்மான் காதிர் லெக்ஸ்பின்னராக அணியில். இவரோடு ஹாரிஸ் ரௌஃப், வைஸ்கேப்டன் ஷதாப் கான் போன்றவர்களும் ஸ்பின் போடுவார்கள். எவ்வளவு தூரம் இவர்களின் பௌலிங் இந்திய வீரர்களிடம் எடுபடும் என்பது இன்று இரவு தெரிந்துவிடும். பாகிஸ்தானின் பலம் என்பது சந்தேகமின்றி அவர்களது பேட்டிங். கேப்டன் பாபர் ஆஸம் அபார ஃபார்மில் இருக்கிறார். மீடியாவுக்குத் தீனி போட்டுக்கொண்டிருக்கும் விராட் கோஹ்லி நேற்றைய இண்டர்வியூவில் பாபரை தற்போதைய உலகின் தலைசிறந்த பேட்ஸ்மன் எனப் புகழ்ந்திருக்கிறார். அவருடன் ஆட்டத்தை துவக்கும் விக்கெட்கீப்பர் பேட்ஸ்மன் முகமது ரிஸ்வான் ஆவேச ஆட்டக்காரர். அடுத்தாற்போல் வரும் ஃபகர் ஸமன் ஒரு க்ளாசிக் பேட்ஸ்மன். இந்தியாவுக்கெதிராக இவரது பேட்டிங் தடுமாறும் வாய்ப்பு குறைவு. பின் வருபவர்கள் ஹாரிஸ் ரௌஃப், ஆசிஃப் அலி, ஷதப் கான், குஷ்தில் ஷா..- இந்திய பௌலிங்கை அவ்வளவு தொந்திரவு செய்ய மாட்டார்கள் எனத் தோன்றுகிறது. என்றாலும் டி-20 கிரிக்கெட்டில் எப்ப என்ன நடக்கும் என்று கணிப்பது கஷ்டம். அதுதான் இங்கே த்ரில்லே !

தூள்பறக்கும் ஆட்டம் காணக் கிடைக்கும் என நம்பலாம். முடிவு? யாருக்குத் தெரியும்!

Captains in today’s match : Rohit Sharma (India), Babar Azam (Pakistan)

Star Sports , 1930 hrs (IST)

**   

6 thoughts on “இந்தியா-பாகிஸ்தான் சூப்பர் க்ளாஷ்!

  1. இந்த மேட்சுக்காக பல்லாயிரக்கணக்கானோர் மிக்க ஆவலுடன் காத்திருக்கிறார்கள்!  இஎன் மகன் சத்யத்தில் பாப்கார்ன், டோநட் எல்லாம் ஆர்டர் செய்திருக்கிறான்.  ன்று சீக்கா அவரது லைவில் என் மகன் பெயரை சொல்லி ஆபத்தில் சொல்லியதிலும், இவன் கேள்விக்கு தம்ஸ் அப் செய்ததிலும் மகன் மகிழ்ச்சி!   எனக்கென்னவோ இந்திய அணியைவிட பாகிஸ்தான் வலுவாக இருப்பதாகவே தோன்றுகிறது.  முன்பு பாபர் கோஹ்லியை புகழ்ந்த காலம் போய் இப்போது கோஹ்லி பாபரை புகழும் காலம்.  கோஹ்லி அவர் வழக்கத்துக்கு மாறாக புலம்பி இருப்பதாக மகன்கள் கவலைத் தகவல்.  

    Liked by 1 person

    1. @ ஸ்ரீராம் :

      பாப்கார்ன், டோநட் வேஸ்ட் ஆகவில்லை ! சீக்கா உங்கள் மகன் பெயரைக் குறிப்பிட்டாரா.. ஆஹா.. பசங்களுக்கு செம குஷிதான்!
      நேற்றைய த்ரில்லரை பூராவும் பார்த்தேன். புதிய பதிவை வாசிக்கவும்.

      Like

  2. ஃபார்மில் இல்லை என்றால் கௌரவமாக விலகி இருக்கணும் கோஹ்லி போன்றவர்கள். எத்தனை மேட்சுகள்தாம் பெர்ஃபார்ம் பண்ணாமல் அணி தோற்பதற்குக் காரணமாக இருப்பார்கள்? எனக்கென்னவோ ராஹுல், கோஹ்லி இரண்டுபேரும் சரியாக ஆடுவார்கள் என்று தோன்றவில்லை. அதிலும், பாகிஸ்தானை வெற்றிபெறணும் என்ற மெண்டாலிட்டி கோஹ்லியிடம் சுத்தமாகக் கிடையாது. எதிரணியோ மிகவும் வலுவானது. பார்ப்போம் என்னாகிறது என்று.

    Liked by 1 person

    1. @ நெல்லைத்தமிழன்:

      கோஹ்லி அடித்தே விட்டார் 1,2 ஃப்ளாப் ஆகிய நிலையில். சில நல்ல ஷாட்கள்.நேற்று காப்பாற்றிவிட்டார்கள் பாண்ட்யாவும், ஜடேஜாவும். புதிய பதிவு போட்டுள்ளேன்…

      Like

    1. @ கில்லர்ஜி:
      பாத்தீங்களா மேட்ச்சை! முதலில் தடுமாறிய நம்ப பசங்க, பின்னாடி பின்னிட்டானுங்க. புதிய பதிவை சற்றுமுன் ஏற்றியுள்ளேன்.

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s