இந்தியா-ஸ்ரீலங்கா கிரிக்கெட்

ஸ்ரீலங்கா கிரிக்கெட் இப்போதிருக்கும் நிலையில், அந்த அணிக்கு யார் தற்போதைய கேப்டன் என்பதில் ஸ்ரீலங்கா ரசிகர்களுக்கே குழப்பம் வந்திருக்கும். கடந்த மூன்று வருடங்களாக ஒரு-நாள் போட்டிக்கான ஸ்ரீலங்கா அணிக்கு அடிக்கடி கேப்டன்கள் மாற்றப்பட்டிருக்கிறார்கள் -ஆஞ்சலோ மேத்தியூஸிலிருந்து இப்போது வந்திருக்கும் .. யாரது? -வரை. கோச்களின் கதியும் இப்படியே. ஸ்ரீலங்கா கிரிக்கெட்டில் மாறாதது அதன் கிரிக்கெட் நிர்வாகிகளின் அணி மட்டுமே! இந்த லட்சணத்தில் ஸ்ரீலங்காவுக்கு வந்திருக்கும் இந்திய அணி – ஒரு இரண்டாம் பட்ச அணியாம்.. அதற்கு ஒத்துக்கொண்டதன் மூலம் ஸ்ரீலங்காவின் கௌரவம் போய்விட்டதாம்! – முன்னாள் கேப்டன் – இந்நாள் அரசியல்வாதி அர்ஜுனா ராணதுங்காவின் புலம்பல் .

முதன்முறையாக இந்திய அணிக்கு ஷிகர் தவன் கேப்டனாகியிருக்கிறார் -இந்த ஒரு-நாள், டி-20 தொடர்களுக்காக. டெஸ்ட் டீமில் இல்லாத, சமீபத்திய இந்திய ஒரு-நாள் போட்டிகளில் ஆடிய புதியவர்கள், சிலர் ஏற்கனவே ஆடியவர்கள் என அணிவகுத்து நிற்கிறது இந்திய அணி. நிதிஷ் ரானா (பேட்ஸ்மன்), சேத்தன் ஸக்காரியா (வேகப்பந்துவீச்சாளர்), வருண் சக்ரவர்த்தி (ஸ்பின்னர்) என புதுமுகங்களும் உண்டு.

நாளைய போட்டிக்கு இந்திய அணி இப்படி இருக்கலாம்: ஷிகர் தவன், ப்ரித்வி ஷா, சூர்யகுமார் யாதவ், சஞ்சு சாம்ஸன், மணீஷ் பாண்டே, ஹர்தீக் பாண்ட்யா, க்ருனால் பாண்ட்யா, புவனேஷ்வர் குமார், நவ்தீப் செய்னி, தீபக் சாஹர், யஜுவேந்திர சாஹல். வருண் சக்ரவர்த்தியும், சேத்தன் ஸக்காரியாவும் – முதல் போட்டியிலேயே ஆடவைக்கப்படுவார்களா என்பது கேள்விக்குறி.

தஸுன் ஷனகா (Dasun Shanaka) தலைமை தாங்கும் ஸ்ரீலங்காவின் ஒரு-நாள் அணியில் முக்கியமான மூவர் இல்லை. டிக்வெல்லா, குஸால் மெண்டிஸ், குணதிலகா – இங்கிலாந்தில் சமீபத்திய டூரின்போது bio bubble-ஐ மீறி வெளியே சென்றதால் தடை செய்யப்பட்டுள்ளனர். துவக்க ஆட்டக்காரர் குஸால் பெரேரா காயம் காரணமாக ஆடவில்லை. அணியில் அனுபவஸ்தர்கள் குறைவு. புதியவர்கள் அதிகம். அவர்களுக்கு வேறுவழியில்லை. அவிஷ்கா ஃபெர்னாண்டோ, பதும் நிஸங்கா (Pathum Nissanka) துவக்க ஆட்டக்காரர்கள் : தனஞ்சயா டி சில்வா(Dananjaya de Silva) , பனுகா ராஜபக்ஸ (Bhanuka Rajapakse), தஸுன் ஷனகா ஆகியோர் மிடில் ஆர்டரில் வரக்கூடும். ஸ்பின்/வேகம் எனப் பந்துவீச்சில் லக்ஷன் ஸந்தகன், இஷுரு உடானா, துஷ்மந்தா சமீரா (Dushmantha Chameera), கஸுன் ரஜிதா இருக்கலாம். டிக்வெல்லா (Niroshan Dickwella) இல்லாத நிலையில் மினோத் பனுகா (Minod Banuka) விக்கெட் கீப்பராக ஆடுவார் எனத் தெரிகிறது.

இந்தியா ஒரேயடியாக ஸ்ரீலங்காவைத் துவம்சம் செய்துவிடுமா இல்லை, ஸ்ரீலங்கா திருப்பிக்கொடுக்குமா, அதனால் முடியுமா என்பது போகப்போகத்தான் தெரியும்.

Match starts at 1500 (IST). Live in India : Sony Ten 1, Sony Six. For Tamil coverage Sony Ten 4

**

4 thoughts on “இந்தியா-ஸ்ரீலங்கா கிரிக்கெட்

  1. ஸ்ரீராம் எனக்கு என்னவோ  கண்டாலே பிடிப்பதில்லை!!  ஸ்ரீலங்கா ஆட்டக்காரர்கள் பெயரெல்லாம் நினைவில் வைத்திருக்கிறீர்கள்.  எனக்குத் தெரியாது.

    Like

    1. :”எனக்கு என்னவோ ஷிகர் தவானைக் கண்டாலே பிடிப்பதில்லை!! ஸ்ரீலங்கா ஆட்டக்காரர்கள் பெயரெல்லாம் நினைவில் வைத்திருக்கிறீர்கள். எனக்குத் தெரியாது.”

      என்று இருக்க வேண்டும்!

      Like

  2. முந்தைய கமெண்ட்டில் என் பெயர் இடம்பெற்றிருப்பது வினோதம்! கீழே கட்டத்தில் கொடுக்கத் தெரிவு செய்தது!​

    எனக்கு ஆட்டக்காரராய் அர்ஜுனாவை பிடிக்கும்.  சமீபத்தில்தான் அவர் முரளிதரனுக்கு ஆதரவாய் ஆஸ்திரேலிய அம்பயருடன் போராடிய வீடியோ எல்லாம் மறுபடி பார்த்தேன்!

    Liked by 1 person

    1. @ Sriram : ஆச்சர்யப்பட்டேன். ஸ்ரீராமுக்கு ஏன் ஸ்ரீராமையே பிடிக்கவில்லை? ஏதாவது ஞானநிலையோ.. நாம் கிரிக்கெட் கூத்துபற்றியல்லவா எழுதியிருக்கிறோம் எனக் குழப்பம்!

      பழைய ஆட்களில் அர்ஜுனா, அரவிந்தா, திலகரத்னே தில்ஷன், சமிந்தா வாஸ் போன்றோர் அபாரமாக ஆடியவர்கள்

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s