T-20 : சிட்னியில் சிரித்த இந்தியா !

இதற்கு முன் இரண்டு ஒரு-நாள் போட்டிகளில் செம்மயா அடிவாங்கிய சிட்னி மைதானத்தில், இந்தியா அபாரமாக டி-20 ஆடியது நேற்று. 194 என்கிற ஆஸ்திரேலிய ஸ்கோர் ப்ரும்மாண்டம்தான் அங்கே. அசரவில்லை இந்தியா. இலக்கைத் துரத்தி வென்றவிதம் ரசிகர்களைக் கூத்தாடவைத்தது.

இந்திய அணியில், தலைக்காயம் ஜடேஜாவை உள்ளே வரவிடவில்லை. சீனியர் வேகப்பந்துவீச்சாளர்கள் முகமது ஷமி, ஜஸ்ப்ரித் பும்ரா சேர்க்கப்படவில்லை. மாறாக, தீபக் சாஹர், ஷர்துல் டாக்குர், நடராஜன் ஆடினர். சாஹலும், சுந்தரும் ஸ்பின் பொறுப்பை ஏற்றனர். ஆஸ்திரேலியாவுக்கு காயங்களால் பிரச்னைகள். வார்னர், ஃபின்ச் வெளியே. ஸ்டார் பௌலர்களான ஸ்டார்க், கம்மின்ஸ், ஹாசல்வுட் ஆடாதது ஆஸ்திரேலிய பௌலிங்கை பலவீனமாகக் காட்டியது. ஆனால் ஆஸ்திரேலிய ஸ்பின் (Adam Zampa, Mitch Swepson)  இந்தியர்களை அடக்குவதில் அழகாக வேலை செய்தது.   

தற்காலிகக் கேப்டன் மேத்யூ வேட் (Mathew Wade) ஆட்டத்தைத் துவக்கித் தூள்கிளப்பினார். போன மேட்ச்சில் படு டைட்டாகப் போட்ட வாஷிங்டன் சுந்தர் மற்றும் சாஹலைக் குறிவைத்துத் தாக்கினர் ஆஸ்திரேலியர்கள். வேட் 58, ஸ்மித் 46 என அதகளப்படுத்த, மேக்ஸ்வெல் சாஹலைத் தேடி விளாசினார்! விளைவு ? சாஹல் 1 விக்கெட் எடுக்க 51 ரன் கொடுக்கும்படி ஆயிற்று. சுந்தர் 35 ரன்கொடுத்தார். விக்கெட் எடுக்கவில்லை. அல்லது கோஹ்லி எடுக்கவிடவில்லை! கேட்ச்சை நழுவவிட்டுக்கொண்டே இருந்தால் பௌலர் என்ன செய்ய? இருந்தும் அதே பந்தில் கோஹ்லியின் த்ரோவினால் வேட் ரன்-அவுட் ஆனது ஒரு தமாஷ்! அப்படியும் சமாளித்து ஆடி 194-க்குப் போய்விட்டது ஆஸ்திரேலியா. எல்லோரும் ரன்னை வாரி வழங்க, நடராஜன் துல்லியம் காட்டி 20 ரன், அதில் ஒரு பௌண்டரி மட்டுமே கொடுத்தார். 2 விக்கெட்டுகளைச் சாய்த்தார்.

கதையை முடித்த பாண்ட்யா !

இந்தியா பேட்டிங் ஆரம்பிக்கையில்,  தவன் (52), ராகுல்(30) சிறப்பாக ஆடினர். கோஹ்லியின் 24 பந்தில் 40 ரன் என்பது இந்திய ரன்விகிதத்தைத் தூக்கிவிட்டது. சாம்ஸனும் கோஹ்லியும் அவுட் ஆனபின், ஹர்திக் பாண்ட்யாவும் ஷ்ரேயஸ் ஐயரும் இலக்கை நோக்கிய பயணத்தில் சீரியஸ் ஆகினர்! அப்போதும் 195 என்பது அடையமுடியாத ஸ்கோர் போலவே தோன்றியது. ஜடேஜா இல்லாத நிலையில், டெத்-ஓவர் பேட்டிங்கில் பாண்ட்யா தான் யாரென மேலும் ஒருமுறை நிரூபித்தார். கடைசி ஓவரில் 14 ரன் தேவைப்பட்டது. பாண்ட்யா நாலே பந்தில் 2 சிக்ஸ், இரண்டு ரன் என டேனியல் சாம்ஸைத் தாக்கி,  வெற்றியைப் பறித்தார்.  தொடரும் வெல்லப்பட்டது. ஸ்டேடியம் இந்தியக் கொடிகளுடன் ஆட்டம்போட்டது! பாண்ட்யா Man of the Match.

”ஹர்திக் மைதானத்தில் இறங்கும் வரை எங்களுக்கு ஆனந்தமாக இருந்தது!” என்றார் ஆஸ்திரேலிய கேப்டன் வேட்! கடைசி டி-20 நாளை (8-12-20) அதே சிட்னியில். மேலும் ஒரு high-scoring encounter வருமோ?

**

3 thoughts on “T-20 : சிட்னியில் சிரித்த இந்தியா !

  1. சிரிப்பாய் சிரிக்காமல், சந்தோஷமாய்ச் சிரித்தது மகிழ்ச்சி!  நேற்று இந்தியா பேட்டிங் முழுவதும் என்னால் பார்க்க முடிந்தது!

    Liked by 1 person

  2. சோனி கனெக்‌ஷன் இல்லாத்தால் மாட்சைப்பார்க்க முடிய்வில்லை இந்தியா தொடரை வென்றது மகிழ்ச்சியே

    Like

  3. @ Sriram, @ Balasubramaniam GM:

    நாளை இறுதிப்போட்டியில் ஆஸ்திரேலியர்கள் ஆவேசமாகப் பாய்வார்கள் – ஒய்ட்-வாஷ் ஆகிவிடக்கூடாதே ! சாம்ஸன், ஷ்ரேயஸ் க்ளிக் ஆனால் சுவாரஸ்யமாக இருக்கும். ஸ்பின்னில் சாஹல், சுந்தர் சிட்னியில் அடிவாங்கவே வாய்ப்பதிகம்!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s