Ind-NZ Tests : இந்தியப் படுதோல்வி

நியூஸிலாந்திற்கெதிராக சமீபத்தில் ஒரு-நாள் தொடரை 0-3 என்ற கணக்கில் பரிதாபமாகத் தோற்ற பின்பு கேப்டன் கோஹ்லி சொன்னது நினைவுக்கு வருகிறது:  ’ஒரு-நாள் தொடர்’ தோல்வியை ஒரு பெரிய விஷயமாக நாங்கள் பார்க்கவில்லை. இப்போதெல்லாம் டி-20-யும், டெஸ்ட் கிரிக்கெட்டும்தான் முக்கியம்..!’ இன்று அதிகாலை (24-2-2020) நியூஸிலாந்து முதல் டெஸ்ட்டை 10 விக்கெட் வித்தியாசத்தில் வென்றதின் மூலம், விராட் கோஹ்லியின் முகத்தில் கரியை நன்றாகக் குழைத்துப் பூசிவிட்டது!

Virat Kohli &
Bishen Singh Bedi
-sharing memoirs !

பேஸின் ரிசர்வ் மைதானம், வெலிங்டன், நியூஸிலாந்து. இப்படித்தான் இங்கே ஒருமுறை (Feb. 1976) டெஸ்ட் மேட்ச்சைக் கேவலமாகத் தோற்றது இந்தியா. ஸ்பின்னர் பிஷன் சிங் பேதி (Bishen Singh Bedi) இந்தியக் கேப்டன். இந்திய அணியில் அப்போதும் ஜாம்பவான்கள் இருந்தார்கள்.  சுனில் கவாஸ்கர், ஜி.ஆர்.விஷ்வனாத், மொஹீந்தர் அமர்நாத், ஆகியோருடன் திலீப் வெங்சர்க்கார், ப்ரிஜேஷ் பட்டேல், கிர்மானி …எனச் சென்றது அந்த அணி. இரண்டாவது இன்னிங்ஸில், 27 ஓவருக்குள் 81 ரன்னில் இந்தியா ஆல் அவுட்! மேட்ச்சைத் தோற்ற கடுப்பில் இந்தியக் கேப்டன் பிஷன் சிங் பேதி சொன்னது: Basin Reserve is the worst cricket ground in the world!

நல்லகாலம், இன்று தோற்ற கோஹ்லி இப்படி உளறவில்லை. உலக டெஸ்ட் சேம்பியன்ஷிப் மேட்ச் இது. பங்களாதேஷ், வெஸ்ட் இண்டீஸ் என பலவீனமான அணிகளுக்கெதிராக வென்று பாய்ண்ட்டுகளைக் குவித்திருந்த இந்தியாவின் முதல் தோல்வி. உண்மையின் விஸ்வரூபம். நியூஸிலாந்தின் பௌலிங் அட்டாக்கைத் தாங்கமுடியாமல், முதல் இன்னிங்ஸில் இந்தியா 165 ஆல் அவுட்! அவமானம். கோஹ்லி, புஜாரா, ரஹானே, விஹாரி போன்ற டெஸ்ட் ஸ்பெஷலிஸ்ட்டுகள் ஆடியும் இதைத்தான் தரமுடிந்ததா? பிட்ச் அவ்வளவு மோசமா? பின்னே, நியூஸிலாந்து எப்படி 348 எடுத்தது? அதன் டெய்ல்-எண்டர்களே நூறுக்கும் அதிகமாக அடித்து நிமிர்த்திவிட்டார்களே இந்திய பௌலிங்கை? சரி, இரண்டாவது இன்னிங்ஸிலாவது சுதாரித்துக்கொண்டதா இந்தியா? ம்ஹூம். முக்கி, முனகி 191 வரை சென்றது. ஆக, உலகின் நம்பர் 1 டெஸ்ட் அணியினால் இரண்டு இன்னிங்ஸிலும் 200-ஐத் தாண்ட முடியவில்லை. நிதர்சனம்.

கோஹ்லிக்கு ஏதேனும் பாடம் கிடைத்ததா? கோச் ரவி சாஸ்திரி எங்கே போனார்? டெஸ்ட்டின் ஆரம்பத்தில் என்ன சொன்னார் சாஸ்திரி-யாருக்காவது ஞாபகம் இருக்கிறதா : ‘உலகின் நம்பர் 1 டெஸ்ட் அணி என்கிற பெயருக்கேற்றவாறு இந்தியா ஆடவேண்டும்..’ கேட்க சுகமாக இருந்திருக்கும். ஆனால் இதுவா நடந்தது? நியூஸிலாந்தின்  ஸ்விங் பௌலர்களான டிம் சௌதீ (Tim Southee), ட்ரெண்ட் பௌல்ட்(Trent Boult), தன் முதல் மேட்ச்சை ஆடிய ஜேமிசன் (Kyle Jamieson), ஆகியவர்களின் பந்துவீச்சை சமாளிக்கமுடியாமல் நெளிந்தனர் இந்திய பேட்ஸ்மன்கள் (மயங்க் அகர்வால், அஜின்க்யா ரஹானே தவிர. அகர்வாலின் இரண்டாவது இன்னிங்ஸ் 58-தான் இந்தியாவின் தரப்பிலிருந்து மேட்ச்சில் அடிக்கப்பட்ட ஒரே அரை சதம்). 2, 19 என  வழிந்த கோஹ்லி, தன் பேட்டிங் அழகுபற்றி ஒன்றும் சொல்லவில்லையே. இந்திய பேட்டிங் லட்சணம்பற்றி சுருக்கமாக கோஹ்லி சொன்னது: ”ப்ரித்வி ஷா நல்ல ஸ்ட்ரோக் ப்ளேயர். தனக்கு என்ன நடந்தது என்று கண்டுபிடித்திருப்பார். அடுத்த மேட்ச்சில் சரிசெய்துகொள்வார்!” ஓ! ப்ரித்வி ஷா சரியாக விளையாடினால் அடுத்த மேட்ச் நம் கைக்கு வந்துவிடுமா? கோஹ்லி-சாஸ்திரி think-tank இப்படித்தான் வேலை செய்கிறதா!  கோஹ்லிக்கு சர்தார்ஜி பிஷன் சிங் பேதியே பரவாயில்லையே! இதை எழுதும் வரை சூப்பர் கோச் சாஸ்திரியிடமிருந்து கமெண்ட் இல்லை. பாத்ரூமிலிருந்து இன்னும் வெளியே வரவில்லையோ?

சுருக்கமான ஸ்கோர்: India First inngs: 165. Second: 191. New Zealand First inngs: 348. Second: 9/0. NZ Won by 10 wkts.

**

4 thoughts on “Ind-NZ Tests : இந்தியப் படுதோல்வி

  1. இந்தியாவில் புலி வெளி நாட்டில் எலி முதல் நாள் இருந்தகாற்று அடுத்த நாட்களில் குறைந்ததோ let us think that was a one off [ poor sho

    Liked by 1 person

  2. ரவி சாஸ்திரி அறிமுகமானது இந்த பிச்சில்தான் என்று சொன்னார்களோ…   இல்லை அது பழைய ஒருநாள் போட்டி நடந்த மைதானமோ…    சரியாய் நினைவில்லை.

    Like

  3. கோஹ்லியை சீண்டிவிட்டால்(தான்) அவரிடமிருந்து ஒரு விஸ்வரூப ஆட்டம் வரும் என்று என் மகன் சொன்னான்.  நியூசிலாந்தர்களோ மிகவும் நட்புடன் ஆடி, பேசி அவரை சாந்தப்படுத்தி வைத்திருக்கிறார்கள்…   எனவே கோஹ்லியிடம் எதையும் எதிர்பார்ப்பது கஷ்டம்…!   இதுவும் என் மகன் கருத்து!  ஆக, தோல்வி தோல்விதான்.  

    Liked by 1 person

    1. @ பாலசுப்ரமணியம் ஜி.எம் : கோஹ்லியின் தலைமையில் வெளிநாட்டில் நமது திறன் வெளிப்பாடு சிலவருடங்களாக அதிகமாகியிருக்கிறது . ஆனால் டி-20 -யில் 5-0 என நியூஸியைத் தோற்கடித்த குதூகலத்தில், அணிக்குத் தலைகால் புரியவில்லையோ! அல்லது கோஹ்லியின் ’நல்ல நேரம்’ முடிவுக்கு வருகிறதா?

      @ ஸ்ரீராம் : கோஹ்லிக்கு ’உசுப்பல்’ தேவையில்லை. பொதுவாக நல்ல ஃபைட்டர்தான். டெஸ்ட்டில் இப்படி வழிவது கொஞ்சம் ஆச்சரியமாகத்தான் இருக்கிறது. அடுத்த போட்டியில் புஜாரா, கோஹ்லியிடம் முன்னேற்ற இருந்தால் பிழைத்துக்கொள்வார்கள். எதுவும் சொல்வதற்கில்லை.

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s