கலைக்கோவில்கள், கோட்டான்கள் ..

உலகம் பிறந்தது எனக்காக
ஓடும் நதிகளும் எனக்காக..

தவழும் நிலவாம் தங்கரதம்
தாரகை பதித்த மணிமகுடம்
குயில்கள் வாழும் கலைக்கோவில்
கொண்டது எனது அரசாங்கம்
குயில்கள் வாழும் கலைக்கோவில்..
கொண்டது எனது அரசாங்கம்

எவனோ ஒருத்தன்  சந்தோஷமாக எழுதிவிட்டுப்போயிருக்கிறானே ! மனதுக்குள் கிடந்து எழுந்த வரிகளை ரசித்து முணுமுணுத்தவாறு வளாகத்துக்கு வெளியே வந்து நடக்க ஆரம்பித்தேன்.  மேற்கொண்டு சிந்தனை சென்றது…

தப்புத் தப்பாகத் தெரிகிறதே காட்சிகள்?  ஒரு பக்கம் எடப்பாடி. இன்னொரு பக்கம் குமாரசாமி.  கலைக்கோவிலா, குயில்கள் வசிக்கின்றனவா? கோட்டான்கள் கூத்தடிக்கும்  வெளியாக ஆகிவிடும்போலிருக்கிறது நாடு? குயில்கள் இருக்கட்டும், பறந்தோடிவிட்டனவே பறவைகளெல்லாம்? நீரில்லா நதிகள்.. யாருக்கு சொந்தமானால் என்ன? அதற்காகவே காத்திருப்பவர்கள் ஓடி வந்து, மணல் அள்ளலாம்…விற்கலாம்.. பணம் பண்ணலாம்.   கொடுமைகள் தொடர்கின்றன.. பிறந்த மண்ணுக்கெதிராக…  யாரைப்பற்றி என்ன சொல்லி என்ன பிரயோஜனம் ?

**